2012.01.23. Викиманија 2012, аплицирање за стипендија.
Викиманија е годишна меѓународна конференција на Викимедија заедницата. Секоја година организирана е од различни локални тимови, во 2012 година конференцијата ќе се одржи во Вашингтон, САД. Викиманија и овозможува на заедницата и на јавноста да дознае и сподели искуства во врска со иницијативите за слободно знаење низ светот.
Претходните конференции биле одржани во:
- 2011 - Хаифа, Израел
- 2010 - Гдањск, Полска
- 2009 - Буенос Аирес, Аргентина
- 2008 - Александрија, Египет
- 2007 - Тајпеј, Тајван
- 2006 - Бостон, САД
- 2005 - Фанкфурт, Германија
На минатогодишната конференција во Хаифа, учество земаа двајца претставници од Викимедија Македонија. На конференција 2010 година во Гдањск, учество зема еден претставник од Викимедија Македонија.
Учеството на конференцијата е слободно за сите заинтересирани, посебно за активни уредувачи на проектите на Викимедија и/или за волонтери на Викимедија кои придонесуваат на некој друг начин. Исто така активисти на други проекти од областа на слободно знаење, слободен софтвер, колаборативен и/или образовен софтвер исто така може да се пријават за добивање на стипендија.
Фондацијата Викимедија обезбедува ограничен број на стипендии со кои се покриваат трошоците на избрани кандидати за учество на Викиманија. Постојат два типа на стипендии: целосни и делумни. Целосната стипендија ги покрива трошоците на патување, сместување и регистрација. Делумната стипендија покрива најмногу до 300 EUR патни трошоци. Сите заинтересирани за добивање на стипендија за Викиманија 2012, треба да пополнат барање за стипендија.
Краен рок за пријавување за стипендија е 16 февруари 2012 година 23:59:59 UTC. Пријавите после овој рок нема да бидат разгледувани.
Поврзано[уреди]
- 2011. Извештај од конференцијата во Хаифа, Израел
- 2010. Извештај од конференцијата во Гдањск, Полска
Надворешни врски[уреди]
- wikimania2012.wikimedia.org Официјална веб-страна на Викиманија 2012.