2012.04.27. 10 години Слободен Софтвер Македонија
Слободен софтвер Македонија е непрофитна организација која се занимава со слободен софтвер и слободна култура во Македонија. Слободен софтвер Македонија е посветена на промовирање на слободен софтвер и создавање на свест како за економскиот така и за социоетичкиот контекст на слободниот софтвер, неуморно работи на промовирање на слободна култура во услови кога општествениот и технолошкиот напредок овозможува сѐ поголем дел од човештвото да пристапува, создава, променува, објавува и дистрибуира различни видови на дела во дигитална форма.
По повод 10 години од Слободен софтвер Македонија, во Кинотека на Македонија ќе се прикажуваат филмови преку кои се раскажува приказната за слободниот софтвер и авторските права во дигиталното доба, но и се прославуваат слободната култура.
Избор на филмови:[1]
- 04.05.2012 (петок), 20.00 часот Добра копија, лоша копија (Good Copy, Bad Copy). Документарен филм, Данска, 2007 година, 59 минути, колор, ДВД. Режија и сценарио: Ралф Кристенсен, Андреас Јонсен, Хенрик Молтке (Ralf Christensen, Andreas Johnsen, Henrik Moltke).
- 05.05.2012 (сабота), 20.00 часот Револуционерен оперативен систем (Revolution OS)/ Документарен филм, САД, 2001 година, 85 минути, колор, ДВД. Режија и сценарио: J.T.С. Мур (Ј.Т.S. Мооre); Улоги: Линус Торвалдс (Linus Torvalds), создавачот на Linux Kernel и Ричард Сталман (Richard Stallman), oсновачот на GNU Project.
- 06.05.2012 (недела), 20.00 часот Сита пее блуз (Sita Sings The Blues). Анимиран филм, Франција, 2008 година, 82 минути, колор, ДВД. Режијa и сценарио: Нина Пејли (Nina Paley), според древниот еп Рамајана (Ramayana) на мудрецот Валмики (Valmiki); Улоги: Анет Ханшо, Азем Кабра, Бавана Нагулапали (Annette Hanshaw, Aseem Chhabra, Bhavana Nagulapally).
- 08.05.2012 (вторник), 20.00 часот Зрно песок (A Grain Of Sand). Документарен филм, САД/Шпанија, 2009 година, 83 минути, колор, ДВД. Режија: Џозеф Ричард Џонсон Ками (Joseph Richard Johnson Camí); Улоги: Брендон Гримшо, сопственик на островот Мојен (Moyenne), Џејмс Мишел, претседател на Република Сејшели, Џоел Морган, министер за животна околина (Brendon Grimshaw, James Michelle, Joel Morgan).
- 09.05.2012 (среда), 20.00 часот Неговата девојка Петко (His Girl Friday), Игран филм, САД, 1940 година, 92 минути, црно-бел, ДВД. Режија: Хауард Хокс (Howard, Hawks); Сценарио: Чарлс Ледерер (Charles Lederer), според драмата на Бен Хект (Ben Hecht); Улоги: Кери Грант, Розалинд Расел, Ралф Белами (Cary Grant, Rosalind Russell, Ralph Bellamy).