2012.07.10 Хаклаб КИКА, секој вторник од 19.30 часот
2012.07.10. Хаклаб КИКА, секој вторник од 19.30 часот
Благодарение на пријателите од Слободен Софтвер Македонија, Викимедија Македонија како и вики заедницата во Македонија има можност да ги користи просториите на Хаклабот КИКА за свои активности. Договорено е секој вторник од 19.30 па натаму, до кога ќе има потреба, слободно да се користат просториите и опремата на Хаклабот, се разбира со строго почитување на веќе воспоставениот куќен ред. Сите википедијанци имаат можност да дојдат во тој термин и да се дружат меѓу себе, а по малку нешто и да работат. КИКА располага со интернет конекција, со неколку компјутери, кои може да се користат за работа, а секој кој има лаптоп може слободно да си го понесе со себе и таму да работи.
КИКА значи: Кика е Информации, Култура, Автономија.
Во сабота, на 17 октомври, 2009 година отворен е првиот хаклаб во Скопје. Хаклабот КИКА е реализација на долгогодишната идеја за еден јавен простор – т.н. технолошка автономна зона - кој ќе се занимава со технологијата и нејзиниот пресек со културата, новите медиуми и општеството. За почеток, главните настани во рамките на КИКА ќе бидат веќе традиционалните „Сподели Знаење“ и „Сподели Кино“, а најверојатно тука ќе се случуваат уште и Ruby.mk meetup средбите, „Убунту прва-помош“, „Роботика“ итн. КИКА е јавен простор, располага со проектор, интернет, маси и столчиња за 30-тина луѓе.[1]
КИКА се наоѓа на ул. „Васил Стефановски“ бр. 8/1, Скопје.
Се покануваат сите заинтересирани википедијанци да го користат Хаклабот.
24 јули 2012[уреди]
Состанокот започна во 19.30 часот, заврши во 21.00 часот.
Присутни[уреди]
- Димче Грозданоски
- Слободан Јаќоски
- Кирил Симоновски
Дневен ред[уреди]
- Микросам академија - Прилеп, Извештај од предавањето. Контакт со Микросам, за две обуки, една уредувачка и една за бот, во текот на месец август 2012 година.
- Блог пост за официјалниот блог на WMF, http://blog.wikimedia.org/, во врска со проектите на Викимедија Македонија.
- Обука на волонтерка во Метаморфозис. Договорено е да се одржува обуката во терминот кога ќе се користи Хаклаб КИКА. Слободан ќе контактира со Метаморфозис.
- Исплата на ангажираните во проектот wiki.mk. Потребно е да се подготват Извештаите и Слободан да ги достави до ИО на ВММК. Оставено е оваа работа да се заврши на некоја од наредните вики средба/состаноци.
Референци[уреди]
- ↑ 2009.10.17 Официјално отвoрање на првиот хаклаб во Скопје: КИКА. metamorphosis.org.mk