Проект „Македонија на Википедија“

Проектот „Македонија на Википедија“, првично бил проект на Министерството за информатичко општество и администрација за потоа да премине во Министерството за образование и наука. Проектот има за цел:

• да идентификува содржини поврзани со Македонија во најширока смисла кои би биле дел од содржините во рамките на најразлични проекти на Фондацијата Викимедија, со нагласок на повеќејазичниот проект „Википедија“,

• да даде поттик и подршка во организирањето на заинтересирани групи и поединци кои до сега не биле дел од вики заедницата, со цел зголемување на бројот на активни членови придонесувачи во уредувањето на содржини на Википедија,

• да овозможи отворен пристап на вики заедницата до идентификуваните содржини (преку активна соработка на научните и образовните институции, музеите, архивите, државните органи и сл.)

Целни групи: ученичка популација, студентска популација, наставен кадар, јавна администрација.

Некои од индикаторите за успешност на проектот „Македонија на Википедија“ во моментот на започнување на проектот под раководство на министерството за образование и наука:

• зголемување на стапката на раст на бројот на статии на Википедија на македонски јазик, од стапката 7-8.000 статии.

• зголемување на бројот на регистрирани корисници на Википедија на македонски јазик, од 30.000.

• зголемување на бројот на активни корисници на Википедија на македонски јазик од 8-10 многу активни (кои прават 80% од уредувањата на Википедија во текот на месецот) и околу 300 активни корисници (кои направиле барем 1 уредување во текот на месецот).

Настани

Wikipedia At Your School

• 2013.02.15 Викимедија Македонија на Филозофски факултет - Скопје. Трет ден.
• 2013.02.08 Презентација на Википедија и останатите проекти пред наставниот кадар од средните училишта на шест локации во Македонија.
• 2013.01.25 Меморандум за соработка потпишан помеѓу ВММК и НУБСК.

---

Наградени студенти од страна на министерството за образование и наука, учесници во проектот „Македонија на Википедија“.

• 2012.12.13 Викимедија Македонија на Филолошкиот факултет „Блаже Конески“ - Скопје.
• 2012.12.06 Викимедија Македонија на Филозофски факултет - Скопје. Втор ден.
• 2012.12.05 Викимедија Македонија на Филозофски факултет - Скопје. Прв ден.
• 2012.07.21 Микросам Академија - Прилеп, предавање за Википедија.
• 2012.07.05 Доделени дипломи на студентите учесници во проектот „Македонија на Википедија“ за 2011/2012 година.
• 2012.04.26 Меморандум за соработка потпишан помеѓу Викимедија Македонија и Факултетот за современи науки и технологии при Универзитетот на Југоисточна Европа од Тетово.
• 2012.04.26 Викимедија Македонија на SEEU
• 2012.03.21 Пред студентите на УЈИЕ, факултет за современи науки и технологии, се одржа предавање за Википедија и проектот „Македонија на Википедија“.

---

• 2011.12.15 Пред студентите на ФИНКИ, се одржа предавање за Википедија и проектот „Македонија на Википедија“.

---

• 2009.12.24 Претставена работна група во МИОА која има за цел двојно зголемување на содржините за Македонија на највлијателната он-лајн енциклопедија Википедија. Работната група ја сочинуваат преставници на пет Филолошки факултети во земјава и на други институции чија цел е да придонесат во зголемувањето на фактите за Македонија. На промоцијата, министерот за информатичко општество Иво Ивановски и деканите на Филолошкиот факултет „Блаже Конески“ при Универзитетот „Св.Кирил и Методиј“, Филолошкиот факултет при Универзитетот „Гоце Делчев“ од Штип, Факултетот за филолошки науки при Универзитетот ФОН, Факултетот за странски јазици при Универзитетот Американ Колеџ-Скопје и Природно-математичкиот факултет при скопскиот Универзитет потпишаa Меморандум за соработка и разбирање. Реализацијата на проектот стартува веднаш.